回到味來 (已結業)

係坊間好難食到唔辣嘅雞煲，因為有朋友唔食得辣，我哋上網搵左好耐終於見到呢一間有黃炆雞雞煲，標榜着唔會辣！所以，我地就去試下！我地要咗一隻黃燜雞，食完之後轉湯底打邊爐！黃燜雞唔算有好大驚喜，無乜特別。食完雞煲就開始打邊爐，揀咗清湯底，要咗個海鮮套餐，海鮮嘅鮮味入哂去個湯度，最後變得好濃！海鮮好新鮮，完全無雪味！好高質，而其他配料，例如菜、水餃都好好食！最後，餐廳仲提供咗甜品，得咗都幾耐先上，但原來好靚，係豆腐切成花咁嘅樣！