任你點車仔麵 (已結業)

上網見到介紹呢間車仔麵既花膠扒，墨魚餅，好似好正。今日去開深水埗，專程搵黎試下。墨魚餅，魷魚，酸齋粗麵真係第一次見酸齋係酸汁另上，而唔係煮落個麵根度，無煮入味既麵根，味道可想而知，而另上既酸汁亦有少少嗱喉，唔掂。墨魚餅彈牙，但味道唔太新鮮，10幾蚊貨仔，可以接受。而魷魚無咩味。花膠，糖心蛋，豬軟骨河粉。花膠真心大件，但未太入味，有少少腥。豬軟骨都有唔太入味既情況，河粉似貴刁質感，個人唔係好中意。反而最好食係隻糖心蛋，估你唔到。上網介紹既野，真係要試下先知道真偽。但其實間野又幾多人去食，唔通我叫錯餸出事，定唔係我杯茶。