Pro-Burger (已結業)

老婆話想食漢堡包，所以來這裏試下。老婆點了芝士漢堡，我又係要芝士漢堡，但加多塊煙肉，兩個都係餐，連薯角和汽水。這是家庭式的小本經營，大部分人都係買外賣，點了食物後站在店外等，因為店內只有六個坐位。我和老婆就堂食，好彩剛剛有兩個位，可以坐著慢慢等。等了約15分鐘才有得食。漢堡包幾大個，老婆一個人食唔晒，要我幫手，包內的牛肉幾厚，也有些肉汁，麵包則微暖，蕃茄生菜也新鮮，沙律醬的份量也恰當，不會過多。個人覺得有triple o的水準。唯一的問題是芝士和煙肉味不夠突出。我以前在英國食的煙肉芝士漢堡，總是滲出濃濃的煙肉和芝士香味，可能當地人的煙肉煎得較香，用的車打芝士也較濃味。薯角也是熱辣辣的，帶辣味，也很香口。不過分量不太多。食完都幾滿意，心諗幾時再幫襯呢？但過一陣就知死啦，喉嚨痛…原來好熱氣呀。都係少食多知味。