更多
2021-07-13
159 浏览
同事系咁催我放工快啲走,因为订咗枱六点半食晚饭,我心谂做乜鬼Book咁早😑,点知我去到就明了。呢间咁巴闭嘅餐厅就系位于太子大南街嘅「好烧式串烧专门店」,闻名不如见面!留意返,餐厅已经系租咗相连舖位,座位数量唔少,但仍能全场爆满,人气真系高到不得了👏。呢度作为串烧店,不过通风几好,食完都无冇好大浸味,非常难得。呢度除咗各式各样嘅串烧外,仲有卖海鲜料理、意粉、墨西哥薄饼同小食等。定价方面,串烧部份比较抵食👍,其他食物就属中等价位,但唔称得上贵,难怪咁多人帮衬啦。串烧嘅上菜速度远比想像中快,而且亦烧得够火喉🔥。基本上如果你冇特别要求,串烧喺烧嘅时候会涂上蜜糖同洒上少量孜然粉,而辣度就有得拣。值得一提嘅系每位客人会获发一碟泰式酸辣汁,味道酸酸哋几开胃,我另外仲嗌咗个麻辣汁🌶,但食到第二啖,我已经辣得滞顶唔顺投降。安格斯牛肋串($26),🐮牛肋肉肉味几浓,而且唔会烧到好干,值得一试。盐烧牛舌串($28),👅牛舌四四方方好整齐,肉质超细嫩,又够厚。烟肉露笋卷($19),🥓烟肉其实包乜都咁好食,烟肉香口,露笋爽脆。烧鸡胸软骨串($27/2串),🦴鸡胸软骨扁扁长长,非常脆口,但略嫌中间位置附有太多肉。
安格斯牛肋串
$26
8 浏览
0 赞好
0 留言
盐烧牛舌串
$28
5 浏览
0 赞好
0 留言
烟肉露笋卷
$19
2 浏览
0 赞好
0 留言
串烧豆腐
$18
3 浏览
0 赞好
0 留言
张贴