等等HEA

营业中

休息中

嗌咗堂食外賣，預早左時間行過去。唔行入去，都唔幫你接單，早知等多2分鐘cut鬼咗佢張單。行到入去問，個職員完全唔理你感受，問佢有冇做張單，佢即刻當刻接，本身諗住掉頭走，想cut都cut唔到。重點係啲職員掛住傾偈，態度差到爆。叫外賣自取都仲要等多二十分鐘。講真九龍城大把嘢食，唔洗食佢。我叫左個手撕雞飯，有啲油膩，所謂手撕雞好拆骨好求其，完全食唔出台式風味，食完仲覺得好多味精。另外嗌杯珍珠奶茶，啲珍珠黐埋一嚿嚿，好多奶飲唔到茶味。我諗就算係堂食都唔會好得好多，因為地方好細，話有火鍋提供，空氣混濁。