Uncle Pizza, Pasta & Grill

我地係有電話訂位嘅，電話訂位個陣都冇講要最低消費$350。去到餐廳坐低埋老闆先講話每人最低要消費$350，諗住都一場嚟到。但見到不少人入到去聽到最低消費，坐低左都走。

到埋單個陣，每人連加一消費左$350多少少，收據寫$1400～到我地比信用卡，點知嚟到張信用卡單客戶存根 手寫$1540，我地吓左句，話咁我地再加單食多一陣先。佢又話唔得，出面多人等緊。

成個感覺好似呃人錢咁，唔老實。
野食中規中矩，冇咩特別。