影片
更多
2012-04-09
50 浏览
今晚太約八點半入去, 客人唔多. order咗一個$48肥牛喇沙米線, $68蒜汁牛扒set dinner.個米線先到, 一食即刻知道唔係喇沙, 個湯同清水味係無乜分別(除咗佢攪到個湯係紅色及有少少辣味). 我問個waiter, 點解無喇沙無落椰汁, 你都可以當係喇沙湯咁俾人食? waiter好型咁答我, "有落wor". 我扯火, 叫佢自己攞個湯去睇下. 5分鐘後再行埋o黎同我講, "廚房話已經落, 只係你覺得唔夠啫!"到個牛扒. 俾咗兩片大約三吋成三吋o既牛柳, 就當係牛扒. 最好笑係佢落order果時仲問我o地要幾多成熟. 佢問都多餘! 果兩片連3mm厚唔夠o既牛肉, 你可以點煮? 我都同樣有問個waiter, 你o地餐就當呢片肉係扒? 同樣, 我問都一樣多餘. (佢答: 咁有乜問題)我係住花都, 咁多年都未試過咁嬲. 就算上次, 我都只係嬲個廚房, 當佢唔識整. (果次係order一個黑唶汁沙律! 個沙律到咗我面前, 見佢無落黑唶汁, 就問佢攞, 點知又係好串咁同你講, 廚師話落咗! 當時, 我直情嬲到又係見佢自己睇, 問埋佢黑唶汁應該係乜o野色!)呢個價錢, 呢啲質素. 回
order咗一個$48肥牛喇沙米線, $68蒜汁牛扒set dinner.
個米線先到, 一食即刻知道唔係喇沙, 個湯同清水味係無乜分別(除咗佢攪到個湯係紅色及有少少辣味). 我問個waiter, 點解無喇沙無落椰汁, 你都可以當係喇沙湯咁俾人食? waiter好型咁答我, "有落wor". 我扯火, 叫佢自己攞個湯去睇下. 5分鐘後再行埋o黎同我講, "廚房話已經落, 只係你覺得唔夠啫!"
到個牛扒. 俾咗兩片大約三吋成三吋o既牛柳, 就當係牛扒. 最好笑係佢落order果時仲問我o地要幾多成熟. 佢問都多餘! 果兩片連3mm厚唔夠o既牛肉, 你可以點煮? 我都同樣有問個waiter, 你o地餐就當呢片肉係扒? 同樣, 我問都一樣多餘. (佢答: 咁有乜問題)
我係住花都, 咁多年都未試過咁嬲. 就算上次, 我都只係嬲個廚房, 當佢唔識整. (果次係order一個黑唶汁沙律! 個沙律到咗我面前, 見佢無落黑唶汁, 就問佢攞, 點知又係好串咁同你講, 廚師話落咗! 當時, 我直情嬲到又係見佢自己睇, 問埋佢黑唶汁應該係乜o野色!)
呢個價錢, 呢啲質素. 回應我自己第一句. 怪唔得客人唔多.
我自己就絕唔會再食呢間.
张贴