土屋 (已搬遷) 新店位置

夜媽媽係旺角想搵個地方同朋友吹水但又唔想去樓上cafe(總覺得上樓cafe個d大廈地下企係度派傳單個d妹妹仔個個好似o靚模上身背心熱褲好恐怖唔想行近...),周圍行之際見到土屋無咩人咁之前試過都唔錯咁就入左去喇咖啡木糠布甸 個樣好似衰左小小 d餅碎未食已經散開晒 睇唔清楚d層次 布甸頂部個幾粒朱古力豆都彌補唔到佢個樣既缺憾... 味道方面都有入口即溶既感覺 質感唔算好硬 用叉一叉 餅碎周圍都係 而咖啡味唔算好濃 食完唔會有"wow"既感覺 不過不失啦朱古力布朗尼配雪糕 呢個係menu推介之一 賣相靚仔 食味就.....一般啦 brownie如果做得夠熱 配埋凍冰冰既雪糕真係一流嫁!不過呢度既只係做到微濕微暖 同埋朱味唔夠 最緊張既係佢上面無啦啦放左幾粒棉花糖唔知想點 唔match呀放番多d合桃落去仲好啦 雪糕味道同維記差唔多如果咁樣就係推介就有點兒失望呢呢度既服務就值得一讚 店員幾落力介紹 而且個個都好友善 笑容滿面(有時有d鋪忙起上黎員工個樣好似神主牌咁既樣 生人物近咁都唔想入去食啦)overall,兩款甜品只屬平庸之作 下次黎都係食番奶凍比較穩陣