影片
更多
2019-02-23
1188 浏览
朋友生日揀咗去食呢一間 之前我都食過小南國，質素是不錯的 但今日呢一間真係令我對小南國有一個全新嘅體驗，坐位環境係完全冇問題嘅，都係小南國嘅裝修。先講食物，之後先講服務佢哋上菜係採取一窩蜂上菜戰術 即係一次過張你張枱放滿，咁有一個唔好處就係你唔可以慢慢品嚐你嘅菜式四喜烤麩呢個味道正確，溫度正確因為佢係冷盤，所以係唔需要熱嘅羅漢素鴨呢個即係一個炸腐皮卷 ok的紅燒獅子頭就係一粒紅燒獅子頭，配菜有點欠奉， 淨係得一啲好大棵嘅小棠菜， 斬多刀會比較容易食蜜汁金華火腿配荷葉餅金華火腿已經去到無味嘅狀況，相信佢之前已經要嚟煮個上湯。但佢軟硬度適中。而那一個蜜汁，淨係得蜜汁味冇特別， 配嗰個貝殼型嘅荷葉包 ，特別特別的乾， 乾到根本吞都吞唔到，最終要夾多塊烤鴨加醬食先覺得ok烤鴨二食，鴨鬆生菜包鴨鬆的鴨肉很乾，食起上嚟唔太油潤生菜材得有點難包，一包就會斷 但係塊菜葉都算脆嫩片皮鴨鴨皮不夠熱，也不太脆，醬料很足夠，京蔥很足夠，餅皮很足夠上海炒年糕呢個年糕質地不錯，味道足夠只不過叫佢走肉，佢冇走到生煎包食味肉汁也是ok的，上枱的那一刻已經不是熱的，是暖的。 我的朋友叫我小心熱，我同佢講真係好難可以辣親
之前我都食過小南國，質素是不錯的
但今日呢一間真係令我對小南國有一個全新嘅體驗，坐位環境係完全冇問題嘅，都係小南國嘅裝修。
先講食物，之後先講服務
佢哋上菜係採取一窩蜂上菜戰術
即係一次過張你張枱放滿，咁有一個唔好處就係你唔可以慢慢品嚐你嘅菜式
四喜烤麩
呢個味道正確，溫度正確
因為佢係冷盤，所以係唔需要熱嘅
羅漢素鴨
呢個即係一個炸腐皮卷 ok的
紅燒獅子頭
就係一粒紅燒獅子頭，配菜有點欠奉， 淨係得一啲好大棵嘅小棠菜， 斬多刀會比較容易食
蜜汁金華火腿配荷葉餅
金華火腿已經去到無味嘅狀況，相信佢之前已經要嚟煮個上湯。但佢軟硬度適中。
而那一個蜜汁，淨係得蜜汁味冇特別， 配嗰個貝殼型嘅荷葉包 ，特別特別的乾， 乾到根本吞都吞唔到，最終要夾多塊烤鴨加醬食先覺得ok
烤鴨二食，鴨鬆生菜包
鴨鬆的鴨肉很乾，食起上嚟唔太油潤
生菜材得有點難包，一包就會斷
但係塊菜葉都算脆嫩
片皮鴨
鴨皮不夠熱，也不太脆，醬料很足夠，京蔥很足夠，餅皮很足夠
上海炒年糕
呢個年糕質地不錯，味道足夠
只不過叫佢走肉，佢冇走到
生煎包
食味肉汁也是ok的，上枱的那一刻已經不是熱的，是暖的。 我的朋友叫我小心熱，我同佢講真係好難可以辣親
小籠包
就是小籠包
時令蔬菜
個奶白色湯底係冇味嘅，上面嗰啲百葉都放到有啲乾，都係嗰個問題，小棠菜很大棵，唔介意咪砍多刀囉
上海粗炒。走肉
其實我真係好少食上海嘢，我唔知上海粗炒應該係點嘅，不過上海粗炒彷彿就好似豉油王炒麵一樣，係得個汁同埋啲粗炒，味道我唔知係咪正宗，但係你畀我呢碟嘢37蚊連例湯連野飲做套餐我都嫌佢貴
蔥油拌麵。走蝦仁
呢個仲過癮，汁就夠啦，不過個廚師冇撈勻，底嗰啲面就黑色嘅，上面嗰啲就唔夠味
雖然喺上面冇逐個講，但係冇一样餸係熱燙嘅。 對我嚟講食飯熱燙係好重要，超級敗北。
呢間小南國嘅服務完全不到家，人手足唔足夠從來唔係我去評論佢哋服務嘅論點， 如果人手不足，但員工積極，我係會完全體諒。
但呢間員工嘅態度，對客欠佳，而且看得出 他們做事時不積極，意思是，做事沒特別多笑容，也不會特別行快兩步，不會主動看一看客人要不要換水或其他需要，食物跟進也不積極。
以收呢個價錢嘅情況下， 竟然仲會推架收碗碟車出嚟喺你背脊度收碟 ，其實衛生咁样真係好差。
總之服務就係專業，欠速度。
用信用卡有 88折
總括而言
環境ok，服務冇話好唔好，只不過係冇人理你，飲曬水都唔會refill但收緊你12蚊位茶錢。
食物我唔認為係咩好貴，但味道不什麼出色。
如果盲測嘅話，你一定以為喺出面啲40蚊嘅套餐，食物溫度絕對不足，所以唔知係今日失手定乜啦，但係香港咁多品牌食肆我唔認為我會再幫襯呢個品牌嘅鋪頭
無為博啦😂😂😂
张贴
