大快活 (富善商場)

营业中

休息中

富善邨唯一一間快餐店，大快活越搞多啲新意、越多款式，啲野食就越差、越難食，唉 ~ 依度裝修寬倘，矮軟墊梳化。落地玻璃梳化位對正東面，食早餐可以享受埋陽光，超舒服捨恴 ~太陽蛋雞扒配蘿蔔糕，唔熱包換？No way ﹗太陽蛋凍冰冰仲好鬼油，食完個咀好油潤，唔洗搽潤脣膏添。依家只得半塊雞扒，口感都幾硬實吓，暖都唔暖吓，味道還可以。物價真係貴左好多，通賬颷升，汁都要慳啲洗。咁點解糊椒粉、鹽、糖、等等，仲要獨立包裝咁唔環保又加重成本？蘿蔔糕依舊 95% 粉 5% 蘿蔔粒，又係凍既，麻麻地。火腿絲通粉，真係好想佢地轉反十幾年前隻無坑紋通粉，同快熟通心粉質感差不多，以前彈牙又嫰滑，依家懶特別既坑紋通粉又鞋、又厚、又煮到腍劈劈，勁重麵粉味，湯微暖、偏淡、腿絲淥到鞋烚烚，差勁。