歡喜燒 (已結業)

天氣涼返少少，又係時候到烤肉嘅季節，雖然限聚令未完，但4人一檯都好過之前。今次發掘到觀塘工廈呢一間轉轉串燒嘅燒烤放題，食物質素唔錯，而且坐得好耐，平日可以食成三個鐘，啱曬成班朋友傾偈聚會。一入到去都好快有座位，甜品飲品係自取嘅，前菜小食同肉類食物喺出面拎，亦有唔少熟食可以落單嗌，非常多選擇。檯上亦提供咗好多燒烤嘅醬料同調味粉，我比較鐘意沙嗲醬同辣粉，夠惹味！肉類款式選擇好多，質素都唔錯，必食牛柳同羊肉，夠曬嫩滑多汁。朋友就好鍾意呢個雞翼串，調味香濃，唔會太咸，雞翼用轉轉燒嘅方式，燒得均勻，非常香口。另外熟食嘅小食都好惹味，正！最後食埋雪條，今餐真係好滿足。