逸逸居 (灝景灣商場)

雖然只係隔咗一條馬路，但公眾假期青衣城酒樓排長龍，逸逸居就半滿，座位任揀。

其實佢嘅環境裝修都不錯，服務都可以，搵職員到有問必答，唔會比面色你睇。

飲茶點心幾便宜， 20幾蚊就有一個點心，蝦餃燒賣$12有兩粒，假期加兩蚊，抵食。

味道方面，比較推薦魚腩粥，粥底幾綿，魚腩又多料。

蝦餃燒賣味道正常，乳鴿入味但炸得黑咗啲。

唯一唔推薦嘅係叉燒腸粉，腸粉勁厚皮，叉燒好少，食落去全口都係粉。

三個人公眾假期飲茶，埋單唔使$300 ，可以一戰。