深宵食堂 (已結業)

銅鑼灣越來越多餐廳，要食飯唔一定要去連鎖，更加唔一定要去商場或者街舖，工廈商廈喺香港既生存空間更大。今次搵到依間好多正評既小店，一入門口好明顯係小本家庭式經營，環境好舒服，因為閒日關係人都唔算多，起香港想食餐安靜少少傾到計既地方確實好少。坐左窗邊位，估唔到銅鑼灣都仲有一個地方可以咁寧靜，未點餐前已經感覺好好。講返去餐廳既主要目的：食。推介玉子燒，好鍾意重蛋味，食完成個人暖哂，又好刺激到味蕾！蛋既份量都好夠！八爪魚牛油飯份量岩岩好，係一人女仔份，但好味既野貴精不貴多。鵝肝飯好精緻，味道好多層次好複雜。平時好少食鵝肝飯，從今多左個新喜好。牛舌算係新鮮，肉質都幾好，呢樣必點。燒菠蘿同燒魚都幾好，依度既串燒唔會落太多鹽，值得一讚。同好朋友傾計食飯，無人嘈無人趕你走要返枱，係放工後好好既充電時間。