港麵子 (已結業)

係德福商場星期六嘅下午間閒餐廳都排曬大長龍，就係呢間講面子唔使排隊喎入去試下啦。 落咗兩個麵餐一個係喇沙麵另一個係魚湯米線。喇沙湯底ok嘅唔錯啦，不過D面就有啲失望，係粗嘅金邊粉咁。 豆卜有少少硬。其他配菜就有蝦，蜆，雞蛋牙菜咁。 出事嘅就係嗰個魚湯麵。 係未食過咁難食嘅魚片同埋墨丸。 正常嘅魚片係外脆內軟， 呢一間嘅魚片就係成舊都好似豆乾咁，個質地好奇怪。 墨魚丸係完全冇味嘅，如果佢標榜冇無味精我都接受唔到。 隨餐附送嘅兩個小食就冇投訴嘅，唔係特別好食。 另外佢枱面上面擺咗一支水黐住五蚊， 再問下原來佢哋都有水提供嘅，不過個感覺就好差囉。埋單用埋coupon 158蚊，食碗三十蚊雲吞麵更滿足。