良辰吉時

平時去荃灣見良辰吉時多數都排哂長龍，一直都未有機會去試。終於經過旺角見到冇人排就試下！

1. 黑糖珍珠鮮奶
黑糖超級掛杯，好香黑糖味，並唔係死甜。
珍珠份量夠多，好咬，好彈牙，咬落去啲黑糖味慢慢咁滲出嚟。
唔知點解我覺得佢嘅鮮奶特別香甜，重奶味，加埋面有少少奶蓋，超正👍🏿

加埋面個啲黑糖粒，飲飲下咬落去甜甜地，增加口感。

整體都算非常唔錯，好balance, 黑糖唔會太甜搶哂奶味，係我飲過嘅其中一杯最好飲嘅黑糖珍珠鮮奶🤤

黑糖珍珠鮮奶