影片
更多
2022-09-08
36 浏览
一大班人去居酒屋，總有人飲酒有人唔飲，再加埋一人一串豪氣咁食，分分鐘要食到飽係天價。 今晚帶朋友黎我既愛店，酒肉都冇客氣地狂點，最後每人都係幾百落樓，大家都食到lam lam脷話要再黎。牛舌芯 ($68) 外貌好似厚切午餐肉咁澎湃，爽口彈牙其實係基本，最難得係一咬落去肉汁就爆出黎，感受到僅僅熟就即時上菜嗰種精準，係好高質嘅牛舌芯。西京銀鱈魚 ($68) 新鮮彈牙有肉汁，魚皮燒得脆又入味，食完忍唔住即時encore左一round。鵝肝多士 ($68) 同想像中一樣咁香口，表面酥脆，鵝肝甘香，比平時西餐食到既更加好味靚料。清酒煮蜆 ($88) 調味做得好好，酒味唔會好搶，就咁飲埋個湯都唔會好咸，蜆肉粒粒飽滿鮮甜，最後飲埋個蜆湯好圓滿。日本黑梅貝煮 ($98) 非常大鄉里地以為係用黑梅煮螺，仲心諗點解唔係好覺酸，原來係黑梅貝先岩。 黑梅貝好入味，彈牙得黎帶少少軟糯，個尾有少少好似肝咁既甘香，食得出係心機之作。三文魚腩 ($68) 新鮮厚切，如果可以再肥d就更好。銀鱈魚乾 ($38)一直係我心入面既排名都比雞泡魚乾低，但一食之下改變左我既睇法。 銀鱈魚乾有咁上下厚度，雙層口感特別香脆，唔會有乾
牛舌芯 ($68) 外貌好似厚切午餐肉咁澎湃，爽口彈牙其實係基本，最難得係一咬落去肉汁就爆出黎，感受到僅僅熟就即時上菜嗰種精準，係好高質嘅牛舌芯。
西京銀鱈魚 ($68) 新鮮彈牙有肉汁，魚皮燒得脆又入味，食完忍唔住即時encore左一round。
鵝肝多士 ($68) 同想像中一樣咁香口，表面酥脆，鵝肝甘香，比平時西餐食到既更加好味靚料。
清酒煮蜆 ($88) 調味做得好好，酒味唔會好搶，就咁飲埋個湯都唔會好咸，蜆肉粒粒飽滿鮮甜，最後飲埋個蜆湯好圓滿。
日本黑梅貝煮 ($98) 非常大鄉里地以為係用黑梅煮螺，仲心諗點解唔係好覺酸，原來係黑梅貝先岩。 黑梅貝好入味，彈牙得黎帶少少軟糯，個尾有少少好似肝咁既甘香，食得出係心機之作。
三文魚腩 ($68) 新鮮厚切，如果可以再肥d就更好。
銀鱈魚乾 ($38)一直係我心入面既排名都比雞泡魚乾低，但一食之下改變左我既睇法。 銀鱈魚乾有咁上下厚度，雙層口感特別香脆，唔會有乾既感覺，仲有魚味，感覺幾健康。
明太子雞翼 ($28)性價比好高，一咬落去就爆哂肉汁，明太子少少辣，餡同肉既比例岩岩好，就係燒得好到連雞翼尖都不捨咁食得好乾淨。
张贴
