阿木台灣麵 (廣華街) (已結業)

暫時未去到台灣旅行，今天就到知名黃店阿木台灣麵品嚐下正宗台灣口味過過口癮。講起台灣食物必定會有牛肉麵同珍珠奶茶，所以我當然叫黎試下，另外叫咗一款小食:炸豬大腸。我叫呢款係麻辣牛肉牛筋麵，手工麵非常有口感， 煙煙韌韌，麵身彈牙唔易斷，配埋最少兩日熬出黎嘅超濃牛肉湯，麻辣味唔算太辣，最值得讚係阿木台灣麵真係良心食店，用料理超優質，一碗麵有四大塊厚切牛肉，牛肉筋肉紋理分明，煮得又淋又軟，超級好食。真係好厚又軟呀😍❤呢款小食我個人必推，每一塊炸大腸外皮都炸到脆卜卜，外脆內煙韌，成碟清晒冇難度。凍黑糖珍珠奶茶用鐵杯裝住夠晒冰涼，D珍珠大大粒又煮得夠軟，奶茶亦夠香滑，因為選擇黑糖口味所以會偏甜，不過鍾意淡口味都可以選擇少甜嫁。食飽離開時，依加店舖有水蜜桃烏龍冷泡茶茶包、黑糖沖泡茶茶包可以購買，仲有阿木台灣麵×烘焙愛麗斯嘅手工鳳梨酥，可以作為中秋送禮嘅另一選擇啊🌕