鼎王麻辣鍋 (金巴利道) (已結業)

幾年前係高雄試左一次鼎王之後，每次去高雄一定要食。最愛就係鴨血😍而家唔洗去台灣，係香港都食到啦🤤即刻搵老公一齊去食鴨血食番夠本😍香港鼎王既裝潢同台灣同系列，以木為主。連啲燈都好靚，好有設計感一坐底，waiter就即時上茶，個茶壺好重同台灣係一樣架今日既茶係水蜜桃茶，飲落有蜜味仲要不收茶位👍🏻👍🏻👍🏻Waiter好仔細咁介紹點樣用ipad落order鼎王湯底有兩種，貴精不貴多有麻辣同酸菜白肉，可以單點都可以鴛鴦按人頭收費麻辣湯底既鴨血同豆腐無限添加酸菜白肉既湯底既酸菜都可以無限加真係食到飽都得😘店員仲好nice會主動問你加唔加，要加啲咩👍🏻另有仲有醬料，可自行調配白飯任裝😁鴨血配白飯好正👍🏻🤤火鍋配料叫左牛肉、蝦滑、粉條、豆皮、蛋餃同蔬菜盤牛肉：都幾大份，三個人都夠食蝦滑：有大大粒蝦肉👍🏻粉條：麻辣火鍋必備食品I love it 😊 豆皮：好入味，放邊個湯底都好好味👍🏻蛋餃：好特別，味道唔錯😃蔬菜盤：個量都算多，種類都夠😄不過現場所見多數係卡位，圓枱要訂房，唔知最底消費幾多🤔整體服務同台灣一樣咁好，有啲店員係講台灣國語唔知係咪特登派黎香港😆