韓牛牧場 (已結業)

韓燒相信都有好多香港人鍾意，但好多時食完返到屋企都成陣味，而今次食呢間韓牛牧場就冇呢個問題，因為每一枱都係用光波爐燒肉，唔會好大油煙同成身味。餐廳地理位置非常就腳，位於登龍街永光中心三樓，佢有好多放題種類選擇，而家仲有大閘蟹放題，不過我就驚自己食得慢冇揀到，最後揀左世子牛盛放題。一坐低店員好有耐性解說每一款放題分別，揀好左之後好快就上四樣一次性既食品，有6色刺身拼盤、海鮮燒烤拼盤、手作刺身韓牛壽司、韓國醬油蝦（呢個不得之了，好好食）。除左餐牌上既放題食品，餐廳仲有好多冷盤、沙律任食，種類非常多。肉類選擇都有好多，每位先送羊架及安格斯牛肉眼扒，再點左幾款肉，光波爐有個好處，上下都有熱力，唔駛成日反嚟反去，值得一提係刺身非常新鮮，又唔會漏單，點幾多就嚟幾多。炸物天婦羅都有好多款，最鍾意係芝士年糕。飲品都有好多款，除左一般既汽水仲有好多韓式飲品，呢款蜂蜜柚子好好味。