Coffee Jobs (已結業)

其實之前同朋友已經嚟過呢間食tea 嗰時已經見到其他人食嘅嘢好似好正咁 所以搵晚餐再嚟試吓我好鍾意食意大利飯架 所以見到佢嘅餐牌有黑松露菌意大利飯就諗都唔使諗叫咗呢個啦嘩 佢嘅飯粒粒都係比啲忌廉汁包住左架 而黑松露味除咗聞到亦都食到 睇落好似好細碟咁 但係其實份量係啱啱好 食晒嗰時就會發覺勁飽 最特別嘅就係佢竟然加左雲耳 creamy既意大利飯再加上爽口嘅雲耳竟然又覺得好夾 令到成個飯冇咁膩呢個餐湯都好正㗎 南瓜味好濃郁 不過飲左幾啖就已經好飽啦 所以又叫男朋友飲埋仍佢😆熱辣辣嘅牛油雞翼 一定要趁熱食 金黃色嘅外層包住入面鮮嫩嘅雞肉 真係名副其實外脆內軟 鍾意食雞翼朋友一定要叫呀 另外佢嘅伴碟黑醋沙律都唔失禮架 酸酸地好醒胃雖然我知道呢間嘅咖啡係好出名 但係因為我知道自己叫咗好多飽肚嘅嘢食 所以最後叫咗杯清清地嘅茉莉花茶 感覺上可以消下脂囉