麻辣風雲 (京都廣場) (已結業)

嚟到銅鑼灣樓上川菜。整體黎講，試咗幾款菜色都好味，價錢親民，值得再來🔱炸饅頭招牌菜！軍師企船頭，乘風破浪再加埋噴煙造型夠晒搶眼。炸饅頭簡簡單單夠香軟鬆脆，沾埋煉奶就已足夠🔱荔枝蝦球裝飾樹上掛滿外層粒粒荔枝形嘅紅卜卜炸蝦球，底下都係噴煙效果，夢幻又仙氣十足。荔枝樹掛蝦球，外脆內彈牙，食之前再沾上特製荔枝汁醬，甜甜地又可以減低油膩感。有幾分覺得自己真係食緊荔枝😆🔱涼拌雞絲粉皮簡簡單單，味道好清新。最好味嘅係因為勁多花生醬，黏口又濃味，正~🔱自選乾鍋味道可以自己調配。我就揀左重蒜 & 小辣。配料價錢都好貼地，今次加咗肥腸、魚皮餃、特色牛肉餅、鮮枝竹、美國肥牛。整個乾鍋都比較濃味入味，仲食得出鑊氣。夠晒飽~