MX (置富嘉湖二期) (已結業)

有3張MX飯卷唔想浪費，去左MX叫3個外賣套餐，叫左一個椒鹽豬扒拼蕃茄炒蛋飯、一個招牌鮮茄焗豬扒飯、一個咖喱雞飯，仲有3杯熱飲，2杯熱奶茶，一杯熱好立克，總共$122。椒鹽豬扒拼蕃茄炒蛋飯小伏豬扒好軟，層皮有陣陣油溢味，椒鹽味唔夠出，整體唔太討好。咖哩雞飯正常發揮，唔辣亦唔重香料味，但呢個價錢黎講算係咁，雞肉份量算多，質感嫩滑，醬汁同飯分開包裝，無影響到飯既質感。最好味係招牌鮮茄焗豬扒飯，豬扒夠厚，醬汁夠酸，好開胃，飯有炒底，味道唔錯。總括而言，要自己俾錢買既話，有更多比MX更好既選擇。