影片
更多
2017-09-03
1733 浏览
知道早段晚餐時間有半價，所以就同男朋友黎左試試，我地係網上卜左5點鐘，前一日/當日佢地都冇打黎confirm booking。今日大概5:15去到，唔算好多人，但侍應少得可憐，係門口企左5分鐘先有個貌似經理既人理我地。佢問我地有冇訂位，我答左有，但可能佢聽唔到就直接帶我地入去。入到去坐低叫左個combo餐，有個沙律、一隻豬手、三條德國腸同薯條薯蓉。隻豬手好大隻，我地叫左侍應幫我地切開，佢就咁切左三刀就走左，之後我地自己再切細舊。重頭戲黎喇，唔講以為自己切緊樹皮，切極都切唔開，塊皮好燶，又硬，好難咬。入面啲肉好乾，乾過我啊媽塊面，全程不停飲野。幾條德國腸過得去，但啲薯條好咸，應該落左好多鹽，唯一覺得好食既得底個啲薯蓉。我同男朋友自問都係食得多野個類，但今餐食淨一半，食左幾舊已經停哂手，食唔落。最後返到屋企仲收到email話我缺席😕食淨一半
今日大概5:15去到，唔算好多人，但侍應少得可憐，係門口企左5分鐘先有個貌似經理既人理我地。佢問我地有冇訂位，我答左有，但可能佢聽唔到就直接帶我地入去。
入到去坐低叫左個combo餐，有個沙律、一隻豬手、三條德國腸同薯條薯蓉。隻豬手好大隻，我地叫左侍應幫我地切開，佢就咁切左三刀就走左，之後我地自己再切細舊。
重頭戲黎喇，唔講以為自己切緊樹皮，切極都切唔開，塊皮好燶，又硬，好難咬。入面啲肉好乾，乾過我啊媽塊面，全程不停飲野。幾條德國腸過得去，但啲薯條好咸，應該落左好多鹽，唯一覺得好食既得底個啲薯蓉。我同男朋友自問都係食得多野個類，但今餐食淨一半，食左幾舊已經停哂手，食唔落。最後返到屋企仲收到email話我缺席😕
食淨一半
张贴
