火水爐花膠館 (已結業)

屯門打邊爐地方唔多，咁啱行經諗住入去試下，見裝修扮舊香港都有d特色所以一試。一睇餐牌基本上都會點$298一人再加10幾蚊醬錢嘅花膠雞湯底任食餐，包首輪海鮮同牛小排，但海鮮一到就知應該中伏，唔新鮮仲要買沙蜆，好彩無即刻落晒d蜆只落幾粒，都已經食到成口沙仲要攪到個湯底好多沙添。算，試下其他海鮮，魚用鯇魚超多細骨，蝦又粉成盆海鮮基本上浪費晒，當中叫左d雜丸雲吞，雜丸蟹柳係佳寶貨，雲吞一般，生菜又有沙，食到中途變左食沙煲。首輪牛幾靚，諗住淨食牛算，點知之後再叫果d好唔掂，失望指數去到不回頭級，所以成餐飯快快食完走人，唔怪得坐咁耐都無咩客，呢80幾個好評信錯左，如果以呢個價去大鴻輝是但一間食都性價比高過佢。