影片
更多
2016-03-04
565 浏览
環境：一行入嚟就覺得呢度係走fusion風，中式嘅吊燈加上充滿狂野風味嘅壁畫，非常有feel！今晚被編排坐卡位，坐得唔係太舒服.... 雖則環境就型格十足，唔知質素拍唔拍得住我嘅最愛Canton Pot呢？混醬選擇奇多而且獨特，最愛蒜嘅我就真係好開心喇，先有生蒜、炸蒜、仲有熟蒜！仲有豆豉... 有趣！黑松露雜菌湯底($128)：黑松露香氣四溢，一滾起就忍唔住飲返碗先！個味道好似金寶罐頭磨菰湯，仲要係深啡色，不過加咗啲黑松露咁嘅？感覺好西式，唔似Canton Pot嗰個菰湯咁清甜，所以今晚飲一碗就夠喇頂級安格斯牛肩脊($238)：牛肉係打邊爐嘅主角，當然要每款試一碟！好有心思嘅擺法，每一片都好薄，脂肪分佈平均入口即溶而且無渣，牛肉味甚濃但唔會覺得臊，好味！本地手切肥牛($298)：比起安格斯，佢嘅油花的確差一截，而且肉味唔濃郁，亦都冇入口即溶嘅感覺。我都係鍾意安格斯牛多啲！芝士紫菜蝦蟹餃($68)：好有趣嘅配搭，一層芝士一層紫菜，再有啲蝦蟹肉，好有層次，感覺新鮮即炸手工紫菜響鈴卷($58)：某次去九龍城已經食過，所以呢度並唔係特別有新意。不過佢的確炸得好靚，金黃色嘅腐皮同紫菜都好爽脆，而
混醬選擇奇多而且獨特，最愛蒜嘅我就真係好開心喇，先有生蒜、炸蒜、仲有熟蒜！仲有豆豉... 有趣！
黑松露雜菌湯底($128)：黑松露香氣四溢，一滾起就忍唔住飲返碗先！個味道好似金寶罐頭磨菰湯，仲要係深啡色，不過加咗啲黑松露咁嘅？感覺好西式，唔似Canton Pot嗰個菰湯咁清甜，所以今晚飲一碗就夠喇
頂級安格斯牛肩脊($238)：牛肉係打邊爐嘅主角，當然要每款試一碟！好有心思嘅擺法，每一片都好薄，脂肪分佈平均入口即溶而且無渣，牛肉味甚濃但唔會覺得臊，好味！
本地手切肥牛($298)：比起安格斯，佢嘅油花的確差一截，而且肉味唔濃郁，亦都冇入口即溶嘅感覺。我都係鍾意安格斯牛多啲！
芝士紫菜蝦蟹餃($68)：好有趣嘅配搭，一層芝士一層紫菜，再有啲蝦蟹肉，好有層次，感覺新鮮
即炸手工紫菜響鈴卷($58)：某次去九龍城已經食過，所以呢度並唔係特別有新意。不過佢的確炸得好靚，金黃色嘅腐皮同紫菜都好爽脆，而且一啲油炸味都冇，好明顯係用靚油炸起。浸大概8秒就拎起嚟食，正正就係徘徊在似脆又淋之間就最好食喇！
蔬菜拼盤($58)：每款菜都非常新鮮，砌到好似插花咁，朋友都話唔捨得拆散佢藥膳小籠包($48)：最鍾意藥膳，所以一定揀呢款！綠色嘅小籠包，雖然好靚而且皮薄，但一咬開，肉汁呢？藥膳味道呢？豬肉餡鮮甜但我覺得自己似食緊個普通小籠包多啲。睇食評其他食家都話又多肉汁藥膳味又重，好失望....
燒汁牛肉福袋($78)：好期待，但係好失望。肉質係可以嘅，但臊得好犀利，臊到不安，幾位朋友都不約而同問，呢個係咪羊肉餃？再試吓煮耐啲，都係好臊.... 發生咩事？可惜聚舊太耐冇見，食完就算唔記得問問啲店員
花雕鷄件($68)：唔係好聞到花雕嘅香味，而且煮熟後發覺雞骨部位有啲瘀黑色，唔係幾開胃。新鮮雞骨會較鮮艷，但係冰鮮雞就冇呢個效果喇，所以食落去完全冇雞味，失色
每人食咗大概＄300，以呢度環境及食物創新度，係抵食！但食物質素唔係太穩定，試完之後唔會有嗰種好想再去嘅感覺。食完之後先知道，原來呢度同禮賓傅係同一個老闆嘅...... 有興趣嘅朋友可以睇吓我寫禮賓傅嘅嗰篇食評....以後都係去返Canton Pot食
张贴
