中心點

营业中

休息中

本來都唔會喺openrice點評分，今次真係唔出聲唔得。中心點喺樓下開咗冇幾耐，平時都見到有啲客，今日打算試下。我地揀咗外賣自取，等10-15分鐘就有得攞。攞返屋企唔駛5分鐘姐，同屋企人一食，鳳爪啲南瓜全部都餿咗，係好餿嗰隻好嘔心，同鳳爪擺埋一齊，成籠都唔想食。仲唔止呢樣，燒賣買2籠，裝埋同一個外賣盒，照收2個外賣盒錢，即係一共3個外賣盒但收4個外賣盒錢，我地冇check清楚就走咗，返到屋企先發現。呢間嘢開咗唔係好耐，已經做到咁衰又唔老實(或者你可以話唔小心嘅)，唔會再幫襯。