西宮 (已結業)

早兩晚去西宮同朋友聚餐，我地6個人後加一個變7個，本身見佢價錢都ok就試下，最令我費解嘅係，一坐低就覺得張檯好逼，無啦啦有個爐係檯面，然後野食都未拎未叫，就有人隊個火鍋底埋嚟，喂大佬，我嚟食自助餐唔係嚟打邊爐，要打邊爐我去第二間啦，我仲要無落個單就拎埋嚟，有無問過我想唔想食？7個人，張檯又唔係大，仲比個火鍋阻住哂，冇啦啦仲放啲放題紙係到，迫到死！不倫不類，都唔知呢間野到底係食自助餐，放題，定打邊爐！出面啲生蠔夠大隻，但食落口好多沙，隻隻都有咁濟。刺身ok。鹵水雞翼唔掂，個咖哩牛腩同薄餅超難食。甜品好多款，但蛋糕類最差。個魔鬼朱古力蛋糕無朱古力味！有4個食都話無味，真係無得頂，點整架？？？芒果蛋糕唔得，木糠布甸太甜，楊枝甘露無味，椰香蛋白無味。係得個藍莓同焦糖燉蛋食得。食物方面普通，但係啲服務就真係唔多掂。講真去食野，我覺得服務先係最重要。班樓面都唔知做咩囉，好似得個殼係度行！想落單比紙佢地，舉哂手望到都扮睇唔到咁唔理，我呆咗，我再舉手，等咗成兩分鐘先有人見到過嚟接！落完啦等咗好耐又未到，就問係咪漏單，一個唔覆！問過第二個又係聽完走咗後無覆到！火都嚟埋！離哂譜！！收碟又慢！明明見到我地張