大渣哥茶記 (已結業)

呢間茶餐廳又貴又唔好食，仲要態度差，叫嘢食明明幾個人冇野做係度吹水，仲要睇到你叫佢，個個都好似好忙睇你唔到咁，唔應你，帶位果個仲差，叫你未有位，係出面等唔好行入黎，最緊要佢係黑口黑面😤。跟住叫左凍檸茶$27一杯，茶係冇味淡到近乎水，只得小小檸檬味，好難飲。食左個葱油雞扒飯$72，成個飯得一匙羹仔葱油，葱油係ok，雞扒都係一般，乾乾地冇肉汁，完全唔好食，成個飯得兩隻煎蛋係最好食。仲要淨係收現金，真係咩年代呀！！真係冇下次。