翡翠拉麵小籠包 (已結業)

星期二朋友生日，訂左係呢度食飯慶祝。我地一共有五個人，但有一個未放工，未黎到。咁我地四個人諗住食住等啦，點知門口個知客唔俾我地入，佢勁冇禮貌，又冇笑容喎。不得止，佢仲要我地等齊五個人先俾我地入，有冇攪錯呀，我預約左，時間又過晒，咁都唔俾人入去......見佢咁既態度，咪搵佢經理理論。點知佢地個經理同個知客一樣，話呢個係公司政策，一定要等齊人先入得。咁其實呢D野可以彈性處理，我都訂左7點15分呢個時間，有冇理由過晒鐘都唔俾人入去，硬係要等齊所有人先入得，咁如果我地有十幾個人，係唔係都等齊晒先入呀。我地一定唔會再去受氣。