沛公甜品 (已結業)

六個人的飯後甜品咁啱其中有朋友鍾意食榴槤，見到呢間甜品舖大賣榴槤甜品，於是入去試吓。食完真係唔會再返來囉。大肚店員服務又差。佢個餐牌甜品有齊編號，但是落單時非常無禮貌地話要講全名。 如果食品真係好食咁都算啦。但是事實上⋯佢個餐牌打正榴槤甜品有半價，但實質係咪over priced？食完就知答案。  六個人叫左三款相同嘅甜品。首先個好立克布甸好唔實在好似唔夠魚膠粉咁，朋友食完都話一定識整呢個甜品。充滿期待嘅D29榴槤千層班戟，成件甜品好似係度淨係度食cream，D29究竟有幾好味食完呢個甜品我仍然係唔知。所以半價左都唔值。山楂冰好似係唯一最好，但有點過分甜。