屋喔 (已結業)

上星期約左朋友食飯，見呢間餐廳有過百個好評就一試。點知中伏！晚飯時段限時九十分鐘，坐低見晚市套餐比單點貴50大元，只係多左個沙律，飲品同甜品，所以唔吸引。單點左人氣的黑松露蚵仔意大利飯同芝士鹽酥雞排。先黎黑松露蚵仔意大利飯，飯粒望落似珍珠米，口感偏軟，帶點黑松露香氣，第二啖食蚵仔，弊，酸的，再食埋配料的菇菌，都係酸的。好明顯食材的處理有問題。其實就喺我食緊飯的同時，我聽到鄰枱的女性食客向同枱的朋友低語說著珍珠奶茶的珍珠是酸的。到第二碟上桌，雞排相對於飯係比較好，唯一失望的係芝士極少，或許是我們想多了，人家都無話係芝士夾心雞排。