影片
更多
2023-03-26
75 浏览
星期日同屋企人出街食lunch，順路又見到呢間喺OpenRice 上面有唔少好評，所以就揀左嚟食，但食物質素同整體感覺都好令人失望。😢首先一坐低感覺已經唔太好，個店員係揸住餐具嘅頭（即係我哋用嚟夾餸同埋放入口嘅位）放低喺我哋面前嘅，睇見都唔開胃，呢啲咁基本嘅問題係絕對能夠避免嘅。☹️我哋叫左四個lunch，分別係大蝦冬廕功湯粉、清萊白咖喱雞飯、泰北咖喱雞手作麵同埋海南雞飯（油飯)。啲食物嘅份量偏細，如果空肚嚟，會夠飽但未必食到滿足。1. 泰北咖喱雞手作麵 $82先講泰北咖喱雞手作麵，啲雞肉係煎嘅，勁細粒，得menu上面嘅一半大小，而且有幾粒嘅邊煎燶晒。啲手作麵不過不失，但咖喱太辣，食得有啲辛苦。2. 清萊白咖喱雞飯 $70餐廳用咗一隻好淺嘅碟裝住啲咖哩同雞，白飯分開上。咖喱偏稀，好難𢳂之餘，賣相亦不討好，但味道整體ok。3. 海南雞飯（油飯) $83海南雞飯佔咗menu一大半，個伴湯有豆腐、菜、草菇同埋肉片，睇落幾吸引，就叫咗個嚟試。但實情係，個湯並冇草菇同菜，得幾塊肉片，面頭亦浮咗一層油，如果有返多少菜去襯托點綴會更好。而且雞肉口感好韌，食過咁多海南雞飯，最韌嘅就係佢⋯ 🥵4. 大蝦冬
首先一坐低感覺已經唔太好，個店員係揸住餐具嘅頭（即係我哋用嚟夾餸同埋放入口嘅位）放低喺我哋面前嘅，睇見都唔開胃，呢啲咁基本嘅問題係絕對能夠避免嘅。☹️
我哋叫左四個lunch，分別係大蝦冬廕功湯粉、清萊白咖喱雞飯、泰北咖喱雞手作麵同埋海南雞飯（油飯)。啲食物嘅份量偏細，如果空肚嚟，會夠飽但未必食到滿足。
1. 泰北咖喱雞手作麵 $82
先講泰北咖喱雞手作麵，啲雞肉係煎嘅，勁細粒，得menu上面嘅一半大小，而且有幾粒嘅邊煎燶晒。啲手作麵不過不失，但咖喱太辣，食得有啲辛苦。
2. 清萊白咖喱雞飯 $70
餐廳用咗一隻好淺嘅碟裝住啲咖哩同雞，白飯分開上。咖喱偏稀，好難𢳂之餘，賣相亦不討好，但味道整體ok。
3. 海南雞飯（油飯) $83
海南雞飯佔咗menu一大半，個伴湯有豆腐、菜、草菇同埋肉片，睇落幾吸引，就叫咗個嚟試。但實情係，個湯並冇草菇同菜，得幾塊肉片，面頭亦浮咗一層油，如果有返多少菜去襯托點綴會更好。而且雞肉口感好韌，食過咁多海南雞飯，最韌嘅就係佢⋯ 🥵
4. 大蝦冬蔭功湯粉 $88
冬蔭功湯粉味道正常，唯獨係份量真係好細碗，個人覺得唔值$88。
5. 泰館特調配奶茶雪條 +$38
見到有好多人推介泰式奶茶，見到menu最底有個「泰館特調配奶茶雪條」幾新奇吸引，就加$38試試。呢個飲品將奶、茶同埋雪條三樣分開上，首先試咗一啖雪條，一開頭食落得啲雲尼拿/奶味，食咗幾啖先有好淡嘅奶茶味。奶同埋茶喺室溫上嘅，亦冇加甜，諗住擺多陣、雪條溶咗會令到杯奶茶凍啲、易入口多啲，誰知個雪條喺劑過、放好耐都唔溶嗰隻，食完成餐飯都只溶得一半，冇令到杯奶茶甜啲同凍啲，如果有額外上糖水，或者先雪藏奶茶會更好。
本身冇諗住寫食評，所以都冇咩影低相，但越食越一肚氣，覺得唔值OpenRice上面嘅二百幾個好評，所以決定寫返篇負評，以正視聽。🤨
泰國特調雪條奶茶
7 浏览
0 赞好
0 留言
张贴
