醉胡爐 (已搬遷) 新店位置

心血來潮想打邊爐食靚牛，見到咁多好評，即刻訂座試下。我揀左平日夜晚去，七點食到九點，全店得三四枱客。知道啲食物價格偏貴，諗住最緊要食物高質就ok。叫左份大嘅牛拼盤$498，除左牛胸爽同牛舌之外比較有牛味之外，其他都唔係咁出色。（平時街市買手切肥牛，牛舌etc好食好多）。之後再叫封門柳，但都冇令我改觀。個炸魚皮同紫菜響玲似係自己炸，上碟仲熱，算係誠意之作。墨魚丸ok，蝦滑足料。桂花蚌都幾鮮甜嗌左兩扎竹蔗茅根水，埋單對單先知道買二送一，要同職員講先補番俾我地。總括來講，味道係ok，但性價比低，冇一樣食物會令我掛住佢，所以絕對冇下次了。四個人食左二千蚊，但四個都唔飽，要再轉場食糖水。