碗屋 (已搬遷) 新店位置

莫非午市同晚市爭好遠?中秋翌日既翌日同同事去左食，每人嗌左個138或148既set lunch。再加魚生、天婦羅蝦、甜品。o的魚生好唔新鮮喎，完全冇鮮味，我覺得仲有少少酸添，o的海膽就係我地去超市買到既一版版，仲要係最細size o個隻。o的wasabi就唧出黎o個o的啦，不過扮pro咁用手搓成好似生磨咁，呃唔到人喎，一食就知啦。天婦羅蝦一般。本人要左個羊扒配炒飯，配菜係碗屋汁vegetable喎，不黎只係冇味葡汁蘿蔔同紅蘿蔔，個羊勁生，又唔問我要幾成熟。小弟食左個柚子雪芭，正常，冇乜柚子味，雪到好硬，應該冇乜人嗌。好想知係咪晚市o的魚真係新鮮好多，o的野食係咪好食好多。