影片
更多
2007-09-29
4 浏览
尋晚一行七人浩浩蕩蕩去到鹿鳴春，由於兩日前已預訂了位置，所以唔駛等幾耐就入得．坐低後，發現環境一般，舊舊地，白枱布，有d八十年代頭既茶樓feel．其實，本來想試試佢地出名的教化雞，但兩天前想預訂卻已經滿額．睇完菜牌後，點左以下幾味：1) 辣子雞2) 火腿津白3) 雞油扒雙蔬4) 宮保蝦5) 糖糟魚片6) 酒蒸鴨肝7) 小籠包8) 北京填鴨一隻9) 冬瓜雜錦湯大概講下D餸先，辣子雞完完全全唔辣，我已經算係唔食得辣既人，但都完全feel唔到碟野有任何辣味，全枱7個人冇人食得到任何辣味，連辣椒都見唔到粒，離晒譜！火腿津白，又係唔掂，鹹到爆，D津白又切到好似切絲咁細，又太冧，夾起黎好似夾起一pat野咁！唔掂！雞油扒雙蔬，只係左邊放一半頭先一pat野咁既津白，右邊放少少西蘭花，冧上少少雞油，係咁多，唉！宮保蝦，可能我見識少，以為宮保係辣既，碟野又係完全唔辣，又冇配菜，感覺上係一堆炸蝦冧上有少少青椒響度既甜酸汁．糖糟魚片，同頭先碟宮保蝦差唔多，只要將D蝦換成魚就係糖糟魚片勒！酒蒸鴨肝，呢碟係全晚我最滿意既一味菜，酒香得黎之餘又唔會太重酒味，D鴨肝又夠鮮又夠嫩又夠香，超正！！小籠包，唔錯，皮都算薄！
其實，本來想試試佢地出名的教化雞，但兩天前想預訂卻已經滿額．睇完菜牌後，點左以下幾味：
1) 辣子雞
2) 火腿津白
3) 雞油扒雙蔬
4) 宮保蝦
5) 糖糟魚片
6) 酒蒸鴨肝
7) 小籠包
8) 北京填鴨一隻
9) 冬瓜雜錦湯
大概講下D餸先，辣子雞完完全全唔辣，我已經算係唔食得辣既人，但都完全feel唔到碟野有任何辣味，全枱7個人冇人食得到任何辣味，連辣椒都見唔到粒，離晒譜！火腿津白，又係唔掂，鹹到爆，D津白又切到好似切絲咁細，又太冧，夾起黎好似夾起一pat野咁！唔掂！雞油扒雙蔬，只係左邊放一半頭先一pat野咁既津白，右邊放少少西蘭花，冧上少少雞油，係咁多，唉！宮保蝦，可能我見識少，以為宮保係辣既，碟野又係完全唔辣，又冇配菜，感覺上係一堆炸蝦冧上有少少青椒響度既甜酸汁．糖糟魚片，同頭先碟宮保蝦差唔多，只要將D蝦換成魚就係糖糟魚片勒！酒蒸鴨肝，呢碟係全晚我最滿意既一味菜，酒香得黎之餘又唔會太重酒味，D鴨肝又夠鮮又夠嫩又夠香，超正！！小籠包，唔錯，皮都算薄！北京填鴨，幾平均，又唔太油，皮同肉既比例幾好，都算ok啦！冬瓜雜錦湯，唉，唔好提，鹽水一碗！
睇到呢度，我諗大家都估到我地當時係乜野心情，所以我地諗住食番個甜品補數，於是乎我地叫左兩味：
1) 拔絲香蕉
2) 高力豆沙香蕉
等左差唔多45分鐘，個拔絲香蕉終於黎勒，個侍應一開始就將D香蕉，一舊舊放落佢之前預備好既一小碗冰水入面，頭四舊都係分開一舊舊放落去的，但四舊過後，佢竟然將剩餘既大約六七舊，一pat過倒晒落去，落到水先再夾硬整開佢，大佬呀，落都水都硬左啦，點整呀，結果，有幾舊係比佢整到蕉還蕉，糖還糖！另外，佢響上碟時，仲跌左成舊蕉落個茶壺頂度，請注意，只係蕉，舊舊上面係冇糖響度既！真係離X晒大譜！
最後，我地響冇晒任何期望底下，等到個高力豆沙香蕉，冇期望果然係好D，呢個高力豆沙香蕉夠熱之餘，又冇油益味，香蕉夠滑，豆沙又唔太甜，好食！
最後埋單，盛惠一千二百九十八個大洋！唉，打死我都唔會再黎！
张贴
