華輝小食 (已搬遷) 新店位置

好多人都話手撕雞腸粉呢個配合唔係好特別，又或者唔係好新奇，仲有啲直頭話難食。係，呢個配合實在唔係太驚奇。腸粉周街都有， 但呢度嘅又真係薄同滑過人喎。手撕雞都周街係，不過又真係得呢度放手撕雞響腸粉度。雞肉係紮實嘅口感， 但係一啲都唔會鞋，雞皮下嘅油脂都唔會太多。叫咗小辣但都有小小勁，建議真係唔食得辣嘅朋友可以叫bb辣了。豉油嘅咸度唔會太勁，浸多少少都唔會太咸。 但反而店家又香又濃郁嘅麻醬， 食得多就會膩，食到差唔多¾盒就開始膩，建議大家可以叫店員落少啲麻醬。