泰棧泰國料理 (已結業)

舊同事約o係度食飯.我地叫o左炒馬拉盞,冬蔭功,串燒併盆,唔知乜野炒飯,同芒果黑糯米.D野食好快上檯.炒馬拉盞一D都唔辣,但又唔多香,但係好油!冬蔭功就小小辣,只有草菇同埋蝦,冇乜料,D蝦冇乜肉,同埋D肉好"削",好似唔多新鮮咁.串燒併盆話有雞,牛,羊,豬肉,但係上到檯時就只有一串羊肉,又無端端有雞軟骨喎!味道亦唔多得,冇乜鮮味,又過o左火,好硬!炒飯就太多水,D飯太"林".芒果黑糯米就真係好失望,一來太多煉奶,二來太少黑糯米,有一半係普通糯米,三來份量好少.食物方面完全是不正統又不及格的泰菜,唯一可取係侍應加水幾密!以咁價錢食咁樣水準的泰菜係完全唔抵,我唔會再幫襯亦唔推介!!