影片
更多
2008-04-18
27 浏览
四月十八日(五)今日係樓下美心叫左碗油肶瀨食，雖然都知佢質素參差，但因為近都搏一搏。美心自從過完年已加價不小，宜家油肶瀨已要$19，已經唔可以話好抵，當年$15就真係超值。油雞肶放左係燒味檔度斬出黎，但食既時候係一D都唔熱，淋左鼓油係面令到表面好鹹，肉質方面算鞋，唔好點解雞肶都可以整到鞋，又唔係焗住...上次買油肶紅荳冰都唔係咁差。瀨粉照舊都係"忽"殼湯落D熟左既瀨粉度，但可能D粉放得太耐或者D湯唔夠熱，食時好似公仔麵未煮透咁，有D黏住，要鬆番開。味道當然比即煮既差，瀨粉亦較粗。熱華田比平時正常，尼間沖粉既野熱飲一般都唔夠味，華田、好立克等濃度同茶餐\廳差太遠，有時稀到似奶溝水咁。今次算係咁。免得過都唔會再係度買雞肶，行遠D去KFC買舊上肶好得多~美心黎講個人食過最好既係德福果間，同老婆去果間食油肶瀨同叉瀨都好好食，唔明同一集團點解可以差咁遠!
今日係樓下美心叫左碗油肶瀨食，雖然都知佢質素參差，但因為近都搏一搏。
美心自從過完年已加價不小，宜家油肶瀨已要$19，已經唔可以話好抵，當年$15就真係超值。
油雞肶
放左係燒味檔度斬出黎，但食既時候係一D都唔熱，淋左鼓油係面令到表面好鹹，肉質方面算鞋，唔好點解雞肶都可以整到鞋，又唔係焗住...上次買油肶紅荳冰都唔係咁差。
瀨粉
照舊都係"忽"殼湯落D熟左既瀨粉度，但可能D粉放得太耐或者D湯唔夠熱，食時好似公仔麵未煮透咁，有D黏住，要鬆番開。味道當然比即煮既差，瀨粉亦較粗。
熱華田
比平時正常，尼間沖粉既野熱飲一般都唔夠味，華田、好立克等濃度同茶餐\廳差太遠，有時稀到似奶溝水咁。今次算係咁。
免得過都唔會再係度買雞肶，行遠D去KFC買舊上肶好得多~
美心黎講個人食過最好既係德福果間，同老婆去果間食油肶瀨同叉瀨都好好食，唔明同一集團點解可以差咁遠!
张贴