大笪地火鍋 (已結業)

$238既招牌海鮮海底，只有三隻蝦，一大堆花甲同蜆，仲有幾舊雞脾肉，咁都叫海鮮鍋，仲要咁既價錢，超搵笨！另外仲叫左安格斯牛$158, 合理。炸魚皮$32, 現成貨，包裝都唔拆直接俾你。手打蝦丸半打$58, 大大粒，不過入面好實心，唔似手打，唔爽口。脆肉鯇$58, 唔係好脆口，不過無乜骨，正常貨式。豆苗$32, 夏天都有得食，清甜好味。兩枝飲品各$16, 原來有熱茶，不過要問先有。樽裝水都要$12枝。醬料$10位，加埋一$708埋單。好彩我用yahoo半價團購券啫，折完都要$400兩位，每人$200, 其實我都覺得俾多左！