天下壽司 (已結業)

突然想食壽司，但板前要排隊、元乜元物不食也吧，就決定試試呢間新野吧!一坐低即了叫一客炸軟殼蟹，又熱又脆，可惜好細隻，唔多夠喉，忍唔住再食兩碟牛油果軟殼蟹卷，內裡的軟殼蟹仍然脆口。章紅魚及劍魚刺身-劍魚ok，唔會雪到有冰，不過沒有鮮味，而章紅魚有點膠口，刺身表面好像有層薄薄的膠水。蔥拖蘿魚生飯，份量唔多，碎拖蘿味道幾鮮味。蟹膏壽司-初時以為是橙色的蟹粉，原來係炭粉色，味道有點似鹹蝦膏。馬肉、鰻魚、海膽等壽司算有水準，我幾欣賞佢D壽司飯，煙韌軟熟，唔會一夾就散。價錢又合理，而且唔駛排隊。可能位置較偏僻，7點幾只得幾客，如果想食壽司，又不想排隊，這裡是不錯的選擇。