漫花燈火OMG (已結業)

今日去咗一間餐廳食飯，原來呢間餐廳咁好食，唔怪得知咁多人嚟啦！其中一道推介係佢哋嘅脆脆牛肝菌野菌意大利飯，飯粒有啲脆口，牛肝菌同野菌嘅味道完美結合，真係好好味啊！呢個意大利飯，我會俾佢👍🏻👍🏻👍🏻👍🏻👍🏻另外一道主菜就係自家製酥皮黑魚籽牛油果煙三文魚水牛芝士波波他他，最令我有記憶嘅就係佢嗰粒水牛芝士波波，我初頭以為呢啲芝士會比較鹹，點知原來比較淡味。唔會搶咗黑魚子同埋煙三文魚嘅味道！成個賣相好吸引，真係有少少唔捨得切開呢個他他，我會俾佢👍🏻👍🏻👍🏻👍🏻👍🏻最後要介紹嘅就係荔枝樹上嘅彩虹同埋瑰麗香水瓶，呢兩杯飲品真係好靚啊！一杯就係荔枝梳打，我哋要自己加入再加入唔同顏色嘅嘅爆爆珠，到落去果下，真係好似彩虹咁，真係好靚！呢個荔枝飲品我會俾佢👍🏻👍🏻👍🏻👍🏻👍🏻另外嗰一杯瑰麗香水瓶，成杯係粉紅色仲有一粒好大粒嘅士多啤梨放喺面，真係少女心爆發呢個pinkpink飲品，我會俾佢👍🏻👍🏻👍🏻👍🏻👍🏻