影片
更多
2010-08-30
19 浏览
預祝Honey之生日飯。早於一個多月前致電訂位，但都係得鐵板Bar檯位，唔緊要啦！最重要都係搵到有Honey想食嘅嘢嘛！我地book咗6:30p.m., 但就6:15p.m.左右去到。環境都算幾大，入到去時都唔算好多人。但坐多一陣之後，人就越嚟越多喇！每人送上一客前菜，我地揀咗︰ 汁燒鮑魚 - 個人覺得個汁怪怪地，但又唔係難食，唔識形容，只係覺得普通。 芝士焗帶子 - 唔係原粒帶子，切碎哂嘅，再加上蟹柳，芝士等其他材料嚟焗，感覺一般。 先嚟一客什錦刺身（包括︰海螺、三文魚、油甘魚、甜蝦、帶子、北寄貝、希靈魚、赤貝及劍魚腩）- 刺身非常新鮮，我同Honey覺得甜蝦，帶子及劍魚腩最好味。其他都好正，唯一係如果油甘魚再肥番啲就更好。最後我地合共叫咗3 round刺身... 如果唔係咁飽，分分鐘會再嚟第四round添呀！ 鐵板燒有︰厚燒牛肉、薄燒牛肉、燒帶子、燒蝦、炒雜菌、燒多春魚、炒飯及鵝肝多士 - 薄燒牛肉好好味，但個人較喜歡厚燒牛肉，所以都叫咗兩round。而帶子就ok, 我比較鍾意蝦多啲。雜菌我覺得好好味，但眼見師傅整雜菜嘅比例多過雜菌，相信都應該好好食。多春魚好好食，我個人就勁鍾意。
我地book咗6:30p.m., 但就6:15p.m.左右去到。環境都算幾大，入到去時都唔算好多人。但坐多一陣之後，人就越嚟越多喇！
每人送上一客前菜，我地揀咗︰
汁燒鮑魚 - 個人覺得個汁怪怪地，但又唔係難食，唔識形容，只係覺得普通。
芝士焗帶子 - 唔係原粒帶子，切碎哂嘅，再加上蟹柳，芝士等其他材料嚟焗，感覺一般。
先嚟一客什錦刺身（包括︰海螺、三文魚、油甘魚、甜蝦、帶子、北寄貝、希靈魚、赤貝及劍魚腩）- 刺身非常新鮮，我同Honey覺得甜蝦，帶子及劍魚腩最好味。其他都好正，唯一係如果油甘魚再肥番啲就更好。最後我地合共叫咗3 round刺身... 如果唔係咁飽，分分鐘會再嚟第四round添呀！
鐵板燒有︰厚燒牛肉、薄燒牛肉、燒帶子、燒蝦、炒雜菌、燒多春魚、炒飯及鵝肝多士 - 薄燒牛肉好好味，但個人較喜歡厚燒牛肉，所以都叫咗兩round。而帶子就ok, 我比較鍾意蝦多啲。雜菌我覺得好好味，但眼見師傅整雜菜嘅比例多過雜菌，相信都應該好好食。多春魚好好食，我個人就勁鍾意。至於到燒飯，炒得好乾身，好香，但我見唔算多人食，可能怕食咗飯之後個肚冇位試其他食物啦！ 到重頭戲鵝肝多士，係我見師傅全晚整得最多嘅食物，我地都叫咗3 round, 可想而之有幾好味！而家諗番起都好想食...
其他︰
燒羊扒 - Honey話好好味，不過就估計有落薄荷去腌。佢話鍾意食羊嘅人係鍾意食羊果陣羶味，所以如果冇落薄荷去腌的話會更好喎！
醬燒銀雪魚 - 冇雪味，而且仲有少少甜味，好食。
鹽燒大蝦 - 侍應話好多食，所以推介。我地都覺得好好味，而幸運地，我食果隻係有蝦膏咖... 哈哈
日式蒸蛋 - 普通。不過好彩唔係甜嘅！其實係因為越坐越凍，所以先至叫番樣熱身暖暖身。
味噌汁(湯) - 我試咗一啖，覺得有陣好濃嘅日本清酒味。個人覺得No GooD!!! 不過都係因為凍嘅關係所以Honey至叫。
我地反而冇試天婦羅、壽司同埋沙律果類，因為已經比其他更吸引嘅食物填飽哂個肚lu...
最後每人會送一客雪糕，而且記得有多款味道選擇咖︰綠茶、芝麻、豆腐、芒果... 等
我地揀咗最愛嘅綠茶味及芝麻味。
想提一提嘅係 ---> 侍應生個個都有禮，見佢地真係好合拍，而且個個都好快手。加上有『骨碗』俾客人，感覺乾淨之外亦都方便侍應們收碟嘅速度。以咁忙碌嚟講，都只係漏過一次單而已，可以原諒。
张贴
