第一行字係寫牛肉圈，千層麵低好多，是$78，差成倍價錢。
算啦，始終是小店，試一試個千層麵啦，店員是南亞裔，我照問下點餐，佢問我能否講英文，好啦，講英文囉，佢態度係無問題既，問左佢份野幾大份，好似正正常常就算了，都係唔好叫咁多樣，試下先。
佢行左入廚房15分鐘左右，可能都係佢整埋餐，都係佢奉餐出來，點知咁細份，如圖所示。
隻叉一篤落去，立即就底，心知不妙，真係得3層，薄得緊要，係咪太少啊，老闆，又薄，隻叉睇到，只係得咁高！高度還不及一粒白魚蛋！正常一碟肉醬意粉都不用咁既價，分量就大得多了。
而且呢個款，就好似係預裝拎出來加熱就俾人食，完全唔值咁既價。
濃味得來多糖，多油，完全唔飽，我係大食，但近80元，係咪太過份？
份量少，細，層數少，薄，貴，多糖多油，無下次。唉。仲有，呢個方餐既椅完全唔好坐真係好唔舒服。所以真係好低分。
