德國熱狗 (已結業)

芝士肉醬撈丁: 普通肉醬撈丁$17, 加芝士/ 腸仔+ $5。肉醬同芝士都好多, 鐘意食芝士會覺得佢好好味。d 麵都唔錯, 雖然唔係出前一丁, 同埋只係用微波爐加水叮, 但都好有口感, 唔會好"林"熱狗食左兩種, 跟餐配薯條同薯餅。分別係德國脆皮腸熱狗同車打芝士細芝士腸熱狗, 本人覺得d 熱狗唔好味, 唔係人地講到既咁好味。我見到d 包同腸都係簡單烘一烘, 唔係好夠熱。d 腸仔味道唔夠出, 食唔出唔同腸有咩大分別。每個熱狗都會跟一種醬, 我地揀左燒烤醬, 個醬太重味, cover 哂成個熱狗, 所以唔建議揀燒烤醬。d 薯餅炸得太耐, 變左空心, 唔好味, 只係得一個又脆又油既外殼。薯條比薯餅好少少, 不過唔夠熱, 唔夠脆, 所以都係普通。以何文田冇乜好野食黎講, li 間可能叫唔錯, 但如果同其他熱狗店相比, li 間真係唔好味** 我地掛住食, d 熱狗冇影到相