Pokka Cafe (青衣城1) (已結業)

一個$128 嘅意粉，一個$148 西班牙飯，每個加$48 有湯或沙律 +野飲。先講個蘑菇湯，我六點入去，第三個客，碗湯係room temp嘅，我覺得好嘔心。沙律，正正常常，冇話好好味或唔好味。上餐時間都ok, 可能因為冇乜人吧。意粉完全冇味道，雞仲有d雪味。煮法我覺得係ok的，不過所有食材真係完全唔合格。西班牙飯仲衰；魷魚好似橡膠咁，蝦係完全唔鮮唔甜又冇味，帶子好似擦膠，飯完全好似冇落味咁。Presentation 就好靚，不過得色，唔香，冇味，一個咁嘅價錢食完真心嬲。對Pokka嘅餐廳一般對佢嘅意粉，咖啡有信心。今次呢間青衣分店我真的食咗一啖已經想走。