橫水渡小廚

营业中

休息中

下午三點去呢間食，當時唔算好多人，都仲有好多枱，所以即刻坐低就叫餸，叫完5分鐘內已經好快出餸，但係啲食物一上枱已經唔夠熱，好似一早整定，有人叫就叮番熱果種，完全冇鑊氣，炒蜆同其他炸蝦、炸墨魚近乎擺凍左既常溫狀態，今日都有廿幾度，佢一拎黎已經即刻食，正常入口都會熱辣辣，唔知放左幾耐咁。擺凍左既炒蜆同食物，大家都想像到有幾難食。燒鵝又唔靚，無乜肉，淨係食皮食骨咁，成碟肥油。唯一個籠仔飯係熱既，入得口，味道都算ok，所以最多人叫。呢間真係數一數二難食，5個人埋單千一，但咁難食就真係唔抵，真係出去食大魚蛋仲好味。