巴巴串 (已結業)

服務：入座後老公查詢係咪有海鮮送，店員左右言顧其他，唔想答，唔想送，其實都係已出之物，話畀人聽係咪會死。完全唔老實。環境： 卡座與卡座間非常狹窄，每次只可一人通過。店內抽風非常差，不單成身油煙味，仲好焗同攻眼。食物：選擇少，味道我唔會話佢難食，但認真講真係一般都說不上。而且我哋睇隔離枱就算有送到海鮮，送的都只係質素好差的扇貝，300蚊一個人櫃枱你可以攞到的係海鮮只係蜆、青口、多春魚。如果咁叫選擇多好抵食都真係唔識講。無論係串燒甚至係雪糕都係少選擇。去過其他類似燒蝦的任食餐廳，種類多好多，而且味道不錯。可見並非放題餐廳質素就一定麻麻，但呢間真係唔掂。整體評價，其實我都係見到好多好評所以才去試，我覺得完全不似預期，300蚊一個人絕對無下次。