滿樂潮州 (東薈城名店倉)

营业中

休息中

潮州菜唔敢話係專家，但都叫食左廿幾年，唔多唔少都有D心得，而呢間潮州菜/茶樓係唔太好食。唔記得左影相，但其實我地點左好多餸，好食嘅得一兩道，佢個滷水鵝片係幾好食，鵝肉腍身，鵝味香濃而唔會太咸，梅菜扣肉都幾好食，送飯一流。其他炒粉麵飯就正正常常，食完都唔記得咩味反而個白飯真係麻麻地，好乾好硬。跟住點心方面，真係搞唔掂，全部都唔好食，啲菜苗餃層皮o趙極唔爛，紅棗糕無紅棗味，得個甜字。價錢唔平，但質素唔高，唔會回頭😂。