影片
更多
2006-08-29
29 浏览
12/8原本想去有骨氣,但限時食兩個鐘,所以最后去咗灣仔德興,貪佢夠多嘢食又冇時間限制嘛…由於要工作至7點關係,諗住訂位訂8點左右,點知接線生話咁嘅時間嚟到可能都要等,咁咪可能要9點先有得食;既然係咁,點解唔訂9點喎,食嘅嘢一樣,但係就平20元喎,所以就決定訂9點喇…一坐低第一時間ORDER酸梅湯,好唔好彩…賣晒,4個人點咗成40幾碟嘢,當然包括特別標榜”第二度冇”嘅帶子,花膠同田雞啦,另外仲加咗個象拔蚌($168),桂花蚌($28)同珊瑚蚌($28),醬料拼盤每位$8,一個叫就要全檯叫晒,係成個托盤咁上嘅;終於等到啲嘢嚟喇,首先係桂花蚌,我唔客氣喇;就係咁食吓食吓,過咗兩個鐘左右,啲嘢食幾乎俾我哋食晒,自己都覺得好犀利,埋單$750多;OK啦,咁多嘢食都唔駛$200喎,但後來諗返,原來冇食到40幾碟咁多ga,有啲嘢叫咗但最後都冇嚟,好似最想食嘅帶子,仲有花膠,水餃,同埋啲水晶皮嘅蝦肉雲吞同小籠包呀咁,唔好話食,根本就見都冇見過,唔知係咪俾之前早過我哋啲人食晒呢?好彩我哋自己另外叫咗其它嘢咋,唔係咪得返好少嘢食;又或者係佢哋見我哋有咁多嘢食驚我哋食唔晒會嘥咗啲嘢特登唔拎俾我哋呢,冇得食
由於要工作至7點關係,諗住訂位訂8點左右,點知接線生話咁嘅時間嚟到可能都要等,咁咪可能要9點先有得食;既然係咁,點解唔訂9點喎,食嘅嘢一樣,但係就平20元喎,所以就決定訂9點喇…
一坐低第一時間ORDER酸梅湯,好唔好彩…賣晒,4個人點咗成40幾碟嘢,當然包括特別標榜”第二度冇”嘅帶子,花膠同田雞啦,另外仲加咗個象拔蚌($168),桂花蚌($28)同珊瑚蚌($28),醬料拼盤每位$8,一個叫就要全檯叫晒,係成個托盤咁上嘅;終於等到啲嘢嚟喇,首先係桂花蚌,我唔客氣喇;就係咁食吓食吓,過咗兩個鐘左右,啲嘢食幾乎俾我哋食晒,自己都覺得好犀利,埋單$750多;OK啦,咁多嘢食都唔駛$200喎,但後來諗返,原來冇食到40幾碟咁多ga,有啲嘢叫咗但最後都冇嚟,好似最想食嘅帶子,仲有花膠,水餃,同埋啲水晶皮嘅蝦肉雲吞同小籠包呀咁,唔好話食,根本就見都冇見過,唔知係咪俾之前早過我哋啲人食晒呢?好彩我哋自己另外叫咗其它嘢咋,唔係咪得返好少嘢食;又或者係佢哋見我哋有咁多嘢食驚我哋食唔晒會嘥咗啲嘢特登唔拎俾我哋呢,冇得食唔緊要呀,但係點都冇理由唔交代一下囉…
越諗就越覺得唔抵,唔係因為掛住食唔記得對單,早就問咗佢哋啦…
张贴
