馬辣台式鴛鴦火鍋 (大鴻輝(荃灣)中心) (已結業)

終於放寬限聚令，可以夜晚同寶寶去食飯，係the GULU app 搵左好耐，見最易有位就係呢間，所以就去試吓。唔知係咪星期日，六點幾已經好多人排隊，好彩我哋一早攞定飛去到就有位坐。仲以為可以坐卡位，點知安排我哋坐中間位置，位置勁逼食得勁辛苦，仲要係幾pair couple 逼埋一齊，想叫多啲野食都唔得，連食完既碟都要放地下，等人收，完全唔夠人手，叫極都冇人理。食物方便除咗麻辣湯底好食，其他都係一般般，不過以呢個價錢有呢個質素已經算係咁。最唔滿意都係唔夠人手，叫埋單叫咗兩次，見有個人拎住啲單行左成10分鐘都未到我埋單，最後要走去收銀先知完全冇人通知過我呢張枱要埋單如果唔係揀無可揀都唔食呢間。